ලොව දිගම ගොතන ලද කොණ්ඩය හිමි පුද්ගලයා ලෙස ගිනස් ලෝක වාර්තාවට හිමිකම්කීමට ශ්‍රී ලාංකිකයෙකු සමත්ව තිබේ. සුදේශ් මුතූ නම් මොහු දැනට කැනඩාවේ ඔන්ටාරියෝහි ත්‍රොන්හිල් ප්‍රදේශයේ ජීවත්වෙයි. ඔහුගේ ගොතන ලද කොණ්ඩයේ සම්පූර්ණ දිග ප්‍රමාණය අඩි 6 අඟල් 3කි. සුදේශ් මුතූ තිදරු පියෙක්ද වන ඔහුට මෙසේ කොණ්ඩය වැවීමට තීරණය කර ඇත්තේ ඔහු ශ්‍රී ලංකාවේ වෙසෙන අවදියේය. ඒ මීට වසර 23 ට පෙර ඔහු පාසල් ශිෂ්‍යයෙකුව සිටියදීය. සුප්‍රසිද්ධ ජැමෙයිකානු ගායක බොබ් මාලේගේ ගීත ශ්‍රවණය කිරීමෙන් පසු ඔහුට මෙම අදහස පහළ වී ඇත.එදා සිට මේ වනතුරු ඔහු සිය කොණ්ඩය කපා නොමැත. සුදේශ් රස්තෆැරියන් නම් අධ්‍යාත්මික සංවිධානයේ සාමාජිකයෙකු ද වෙයි. ගිනස් නිලධාරීන් විසින් ඔහුගේ සෑම කොණ්ඩ කරලක්ම පරීක්ෂාවට ලක්කර එහි යෝග්‍යතාවය නිරීක්ෂණය කිරීමෙන් පසු පසුගිය අගෝස්තු 06 වන දින ඔහුට අදාළ ගිනස් වාර්තාවට හිමිකම්කීමට අවස්ථාව ලබා දී තිබේ. ලොව දිගම කොණ්ඩ කරල් හිමි කාන්තාවගේ කොණ්ඩයේ දිග අඩි 8 කි.
source :ada derana
No comments:
Post a Comment