අත්බෙහෙත්

ඔබේ රෝගයට නිවසේදීම පිළියම් 

දත් කැක්කුමට 

* කරාබු නැට්ටක් තලා දත මුල තබන්න. එසේ නැත්නම් 

* කරාබු නැටි තෙල් දත මුල තබන්න. 

* අරළු,තැඹිලි පොල් මුල්, පුවක් මල්, මූණමල් පොතු තම්බා සීනක්කාරම් කුඩු ස්වල්පයක් දියකර කට සෝදන්න. 

* නික කොළ තැම්බූ වතුරට සීනක්කාරම් කුඩු ස්වල්පයක් දියකර කට සෝදන්න. 

පිළිස්සීමට 

* කෝමාරිකා මඳ ගාන්න. (පිළිස්සුණු ස්ථානයේ) 

* අන්නාසි ගොබ /කොළ ඉස්ම ගාන්න 

* රසකිඳ කොළ හීන් ගෙඳ කොළ ගිතෙලින් අඔරා ගාන්න. 

* අළු කෙසෙල් ගසේ පතුරුවල ඉස්ම මිරිකා ගාන්න. 

හිසරදයට 

* සුදු හඳුන්, අමු ඉඟුරු ,අබ, ඇඔුල් දෙහි යුෂින් අඔරා රෙදි කැබැල්ලක ගා නළලට එලන්න. 

* වියළි කහ කැබැල්ලක් තල තෙලින් පෙඟවා පහනෙන් පුළුස්සා ඒ දුම උරන්න. 

* සුදු හඳුන් , සුවඳ කොට්ටන්, දේවදාර, වෙනිවැල්ගැට සමව ගෙන කොටා ඇල්දියෙන් අඔරා රෙදි කැබැල්ලක නළලට එලන්න. 

ආහාර අරුචියට 

* මිංචි කොළ , ගම්මිරිස් කොළ, කරාබු නැටි 1-2, දියලුණු ස්වල්පයක් දමා දෙහි ඇඔුලෙන් අනා කෑමට ගන්න. 

* කරපිංචා දළු කොළ, වියළි මිරිස්, ගම්මිරිස්, සුදුළූණු, අමු ඉඟුරු, උම්බලකඩ එක්කොට ලුණු මිරිසක් සාදා දෙහි යුෂ දමා කෑමට ගන්න. 

* සුදුළූණු , රතුලුණු , ගම්මිරිස්, කරපිංචා , සුදුරු කොත්තමල්ලි,සියඔලා, දියලුණු ස්වල්පයක් දමා තැම්බුම් හොද්දක් සාදාගන්න. 

බඩේ දැවිල්ලට 

* කොත්තමල්ලි, දුම්මැල්ල තම්බා බොන්න. 

* බාර්ලි/මුං ඇට තැම්බූ වතුර බොන්න. 

මුත්‍රා දැවිල්ලට 

* නීරමුල්ලිය, පොල්පලා,සුදු හඳුන් තැම්බූ වතුරට සීනි දමා දිනකට දෙතුන් වරක් බොන්න 

* අක්කපාන කොළ තැම්බූ වතුරට සීනි,මී පැණි දමා දිනකට දෙතුන් වරක් බොන්න 

* තැඹිලි ගෙඩියට කොත්තමල්ලි කුඩු, උක් හකුරු දමා රැයක් පින්නේ තබා බොන්න. 

උළුක්කුව 

* එරබදු කොළ පොතු ,අමුකහ, ලුණු දමා කොටා මලවා බඳින්න. 

* බේත් එඩරු කොළ, පොතු , මුල් , ඇට, දළු, අමුකහ, ලුණු දමා කොටා මලවා බඳින්න. 

* වල් අඹ පොතු, බැලතණ, අමුකහ, ලුණු දමා කොටා මලවා බඳින්න. 

* පෝට කොළ, හීරැස්සපලු,අමුකහ, ලුණු දමා කොටා මලවා බඳින්න. 

නිදි උළුක්කුව 

* මී ඇට තෙල් බෙල්ලේ ගා උණු බත් පොට්ටනියක් සාදා තවන්න. 

* මී ඇට තෙල් බෙල්ලේ ගා රත්කර ගත් මුහුදු වැලි පොට්ටනියකින් හෝ ලුණු කුඩු වලින් 

පොට්ටනියක් සාදා තවන්න. 

* මී ඇට තෙල් ස්වල්පයකට කපුරු පෙත්තක් දමා රත්කර තවන්න. 

* නික මුල්, වියළි ඉඟුරු , සුදුළූණු තම්බා බොන්න. 

* කොට්ටයේ පුළුන් තද වී ඇත්නම් කොට්ටය තද අව්වේ වේලා බුරුල් වූ විට නිදියෑමට ගන්න. 

ඉක්කාව 

* මොණරපිල් දවාගත් අළු එළඟිතෙල්, මී පැණි අසාමාන ප්‍රමාණයෙන් කලවම්කර දිවේ ගාන්න. 

* අරත්ත අල මී පැණියෙන් අඹරා දිව ගාන්න. 

* බැබිල මුල්, සුදුළූණු , උළුහාල් , ගම්මිරිස් තම්බා බොන්න. 

දද 

* කරවිල කොළ/ ඇත්තෝර කොළ දෙහි ඇඹුලෙන් අඹරා ගාන්න. 

* ඇහැළ දළු විනාකිරෙන් අඹරා ගාන්න. 

* ඇත්තෝර කොළ, දෙහි ඇට මඳ, සුදුළූණු දෙහි අඹුලෙන් අඹරා ගාන්න. 

* වළඟසහල්, අබ, ඇත්තෝර ඇට, සුවඳකොට්ටන්, කහ කුඩුකර විනාකිරෙන් අඹරා ගාන්න. 

මුත්‍ර පිටනොවීම නිසා යටිබඩ කොරවීම 

* යටිබඩේ එඩරු තෙල් ආලේප කර උණු ජලය පිරවූ වීදුරු බෝතලයකින් තවන්න. 

* කුප්පමෙනිය කොළ වලට කපුරු පෙත්තක් දමා අඹරා යටිබඩේ ගාන්න. 

* යටිබඩේ එළඟිතෙල් ගා බැබිල කොළ කොටා පොට්ටනියක් සාදා තවන්න. 

* වැසිකිලියට ගොස් වතුර පයිප්පයේ කරාමය ඇර වතුර වැටෙන ශබ්දය ඇසීමට සලස්වන්න. 

බඩගින්න අඩුනම් 

* අරළු, සිද්ධි ඉඟරු, සහිඳ ලුණු කුඩුකර මී පැණි කලවම් කර දෙන්න. 

* ඉඟුරු, ගම්මිරිස්, තිප්පිලි, සහිඳලුණු, සීනි කුඩුකර, සියඹලා ඇඹුල්, මී පැණි කලවම් කර ලේහ කරන්න. (දිවේ ගාන්න) 

* ඉඟුරු, ගම්මිරිස්, තිප්පිලි, සහිඳලුණු කුඩුකර නස්නාරන් රේණු හා මී පැණියෙන් අඹරා ලේහ කරන්න. 

ස්වර්ණා ආරියවංශ